Гвардий сержант Виктор Вороновын аваже Татьяна Лобановалан Йошкар-Ола мэрын икымше алмаштышыже Владимир Смирнов рӱдола мэрын сомылжым жаплан шуктышо лӱм дене таумутан серышым кучыктен.
Виктор Алексеевич 2024 ий февраль годсек спецоперацийыште (80-шо Гвардейский Краснознамённый танковый полкышто) порысшым шукта. Донецк Калык Республикысе населённый пунктлам утарыме годым пӧръеҥ лӱддымылыкым ончыктен, пырля служитлыше салтак-шамычлан эре полшен шоген. Боевой задачым шуктымо годым кеч-могай неле условийыштат тудо чын пӧръеҥ кодын, палдарат мэрийыште.
Йошкар-Оласе мэрийын сайтше гыч налме фото.