Марий Элысе СВО-н ветеранже-шамыч Элым Аралыше-влакын кубокышт верч таҥасымашыште вич медальым сеҥеныт.
Ушештарена, таҥасымаш Угарман кундем Дзержинск олаште эртаралтын. Тушко Юл кундем федеральный округысо 130 наре СВО-н ветеранже ушнен. Марий Эл гыч регионысо паралимпиец-шамычын «Сильные духом» сборный командыжын 13 еҥже таҥасен.
Алексей Суворов – ӱстембал теннис да пуля дене лӱйкалымаште ший медальым налын, Александр Кармаенков – пикш дене лӱйкалымаште кокымшо лийын, Александр Князев – кӱзым спортивно кышкымаште кокымшо, а Дмитрий Бклов – кумшо.