2024 ийыште Марий Элыште федеральный кӱкшытан Сабантуйым пайремлаш палемденыт. Тидын шотышто Марий Элым Вуйлатыше Ю.Зайцев, Татарстан Республикын Премьер-министрын алмаштышыже, татар-влакын тÿнямбал конгрессыштын национальный ушемыштын председательже В.Шайхразиев, Марий Элысе да Татарстанысе правительстве-влакын еҥышт заседанийым эртареныт.
Тушто пайремым организоватлыме шотышто тӱрлӧ йодышым лончыленыт. Тыге тудым кок кече пайремлаш палемденыт. Пайрем Медведево район Руэм посёлкысо ипподромышто лиеш. Тидлан у площадке-влакым келыштараш, уна-шамычлан чыла шотыштат йӧным ышташ кӱлмӧ нерген кутырен келшеныт.
Пелемдыман, Йошкар-Олаште икымше гана Сабантуй федеральный кӱкшытыштӧ 2004 ийыште лийын. Тунам тушко элнан 45 регионжо гыч уна-влак толыныт.