25-29 октябрьыште Йошкар-Оласе Культурно-выставочный рӱдерыште Кугыжаныш Руш тоштерын кечыже-влак эртаралтыт.
Йошкар-Олаш Кугыжаныш Руш тоштерын пашаеҥже-влак толыт. Мероприятий годым Республикысе изосымыктыш тоштерын да Национальный художественный галерейын пашаеҥыштлан семинар-тренингым эртарат. 26 октябрьыште 18 шагатлан «Женщины в русском искусстве XVIII-XX вв.» ончер дене экскурсий лиеш. 27 октябрьыште научно-практический семинар, республикысе инвалид-влак обществын активистше-влак дене «Отражение мира» вашлиймаш, онлайн-конференций эртаралтыт. 28 октябрьыште «Русский музей для всех» социально-просветительский программе почеш пашам виктарат. 29 октябрьыште студент-влаклан «Русский музей онлайн и офлайн» программе, кастене музыкальный концерт лийыт. 26 гыч 29 октябрь марте 17 шагатлан «Русский музей: виртуальный филиал» кинозал пашам ышташ тӱҥалеш. 