Россий мучко – оксам тӱлыде

Фотом yandex.ru/imagesсайт гыч налме.

Самырык-влак Россий мучко оксам тӱлыде путешествоватлен кертыт.

«Больше чем путешествие» программыш «Россия – страна возможностей», «Другое дело» платформо-влакын, тыгак «Твой ход» да «Большая перемена» конкурс-шамычын да «Знание» обществын участникше-влак ушнен кертыт.

Программыш 250 наре маршрут пурталтеш. Тушто каныш кечылан да шукырак кечылан келыштаралтше тур-влак, Российын регионлашкыже тӱрлӧ форматан экспедиций-шамыч лийыт. Участник-влак варажым турист-влаклан келшыше шке программыштым темлен кертыт. Российым ужын коштшо студент-влаклан вузласе тӱшкагудышто илаш йӧн лиеш.
Марий Элын спорт да туризм министерствыштыже палдарат: самырык-влаклан «Больше, чем путешествие» программе ноябрь марте шуйна.

Проектым «Россия – страна возможностей» платформо негызеш Росмолодёжь ден Российын туризм шотышто федеральный агентствыже ямдыленыт.

 

Ирина АЛЕКСАНДРОВА.