Марий Эл Республикыште илыше пагалыме еҥ-влак!
Марий Эл Республикын Кугыжаныш Погынжын лӱм дене тендам Элым аралышын кечыж дене саламлем!
Патриотизм, лӱддымылык, Родинылан служитлымаш калыкнан ик эн сай койышыжо лийыныт да кодыт.
23 февральыште Россий воинствын подвигше ончылно вуйнам савена, Кугу Отечественный сарыште элнан эрыкшым арален кодышо ветеран ден тылыште тыршыше-влаклан пагалымашнам ончыктена, военный конфликт кайыме верлаште интернациональный порысыштым сайын шуктышо салтак ден офицер-влакым саламлена.
Самырык тукымлан нунын илыш историйышт — порыслан ӱшанле улмым да шочмо элым чот йӧратымым ончыктымо пример.
Элым аралыше-влак у тукым кочана, ачана да изана-влакын йӱлаштым умбакыже шуя, шочмо мландыште тыныслыкым арала, Российын лӱдыкшыдымылыкше верч шога.
Тидым Марий Эл Республикыште стратегичеческий назначениян ракетный войскан боевой дежурствым наҥгайымыже пеҥгыдемда. Боевой шинчымашым да сарзе-влакын мастарлыкыштым саемден, кызытсе технике да вооружений дене пайдаланаш тунемын, ракетный дивизий таче элнан эн сай ракетный соединенийже-влак коклаш пура.
Военнослужащий ден ветеран-влаклан, Марий Эл Республикыште илыше-влаклан тыланем пеҥгыде тазалыкым, улан илышым, службышто да Марий Эл, Россий верч тыршымаште сеҥымашым!
Тек лӱддымӧ да пеҥгыде шӱм-чонан еҥ-влакын, Родинылан, ешлан, лишыл еҥ-влаклан пеҥгыде аралтыш улшо-влакын ты пайремышт эре тынысле да куанле лиеш.
Марий Эл Республикын Кугыжаныш Погынжын председательже
А.В.СМИРНОВ.