У 2022 ий Курчак театрыш вашталтышым конден: лу ий тӱҥ режиссёрлан тыршыше Алексей Ямаев вес театырыш пашам ышташ куснен. Ынде тудо М.Шкетан лӱмеш Марий кугыжаныш драмтеатрыште режиссер-постановщик семын вийжым терга.
Курчак театрын у художественный вуйлатышыжлан Марий Элын калык артисткыжым, Россий Федерацийын сулло артисткыжым Галина Владимировна Ковалевам шогалтеныт.
Ковалева ӱмыржӧ мучко ты театрыштыже кукловод-артистлан (курчакым модыктышо артистлан) тыршен. Тыгак ятыр ий Республикысе И.С.Палантай лӱмеш тӱвыра да сымыктыш колледжыште туныктен, Курчак театрыште пашам ышташ ончыкылык артист-влакым ямдылен.