Пӱсӧ йодыш
Российын Социальный фондшын Марий Элысе пӧлкаже тений 2828 инвалидлан технический средствам налын пуэн.
Икымше кварталыште утларакшым (1735 еҥлан) подгузникым, простыньым, пелёнкым налыныт. Торчакым, костыльым але кидкучемым 505 инвалид йодын миен, а специальный средствам 451 еҥлан налын пуымо. Инвалид-шамычлан индивидуальный реабилитаций программыш (ИПРА) пурышо технический средствам гына яра налаш йӧн уло.