30 сентябрьыште Советский посёлкышто кум мероприятий лийын.
«Безопасные и качественные автомобильные дороги» нацпроект почеш ачалыме деч вара Свердлов, Первомайский да Пограничный уремлаште корным уэш почыныт. Ачалыме паша 49 млн теҥгеш шуын.
Кокымшо событий – Кугу Отечественный сарыште сеҥымылан 75 ий, Марий Эл Республиклан 100 ий да Советский районлан 85 ий темме лӱмеш 300 тумо пушеҥгым шынденыт.
Тыгак тиде кечын Марий Эл Республикын сулло журналистше А.А.Сагирован «Веточка березы на снегу» почеламут сборникшын презентацийже лийын.