Марий Элысе самырык моряк-влакын «Паллада» парус клубышт Новгородысо Н.Г.Варухин лӱмеш йоча теҥыз рӱдерыште эртаралтше «Россия – страна мореходов 21-го века» проектыш ушнен.
Тушто 9-18 ияш ӱдыр-рвезе-влак мастарлыкым, шинчымашым нӧлтен кертыт. Нуным теҥыз кумдыкым у технологий почеш шымлаш туныктат.
Йоча-влак ешартыш тунемме программым, онлайн-курс-влакым эртат. Тушто кызытсе да ончыкылык судовожденийын тӱҥ негызшым, навигаций, лоций, вӱдыштӧ утарыме средствым кучылташ, навигаций тренажёр дене пашам ышташ тунемыт.