Российысе тӱвыра министерстве грант конкурсым эртара. Тудо тӱвыра да сымыктыш аланыште общенациональный значениян усталык проект-влаклан полшаш ышталтын.
Шке гыч да тыгак иктаж организацийыште тӱвыра да сымыктыш, образований аланыште тыршыше-влак конкурсыш ушнен кертыт.
Тыгай направлений-влак улыт:
— книгагудо паша;
— изосымыктыш, дизайн да архитектур;
— кинематографий;
— тоштер паша;
— музыкальный искусство;
— театральный искусство;
— хореографический, цирковой искусство;
— калык усталык, художественный промысел да ремесло.
Усталык проектым илышыш шыҥдараш 1 млн теҥгеаш грантым пуат. Конкурсыш ушнаш йодмашым 14 март марте колтен шуктыман.
Утларак информацийым https://culture.gov.ru сайтыште муаш лиеш.
Ирина АЛЕКСАНДРОВА.