Российыште 2024-ше ий марте 12 нацпроект илышыш шыҥдаралтеш. Тидлан чылажге 1,2 млрд теҥгем ойырымо. Ик нацпроектше – «Изи да кокла предпринимательстве да индивидуальный предпринимательский пашалан полшымаш».
Марий Эл вуйлатыше А.Евстифеев Росиий экономике министр М.Орешкинын эртарыме видеосовещанийыштыже участвоватлен. Мутланымаш изирак бизнесым кучышо индивидуальный предприниматель-влаклан полышым пуымо шотышто нацпроектым илышыш шыҥдарыме нерген лийын.
Тиде нацпроект почеш кызытсе жаплан 5 региональный проект шукталтеш. Тидлан чылаже (2019-2024 ийла) 1,2 млрд теҥге окса ойыралтеш.
Вич проект кокла гыч иктыже предприниматель-влаклан окса полышым пуымо шотышто. Тидлан кугыжаныш 200 миллион утла теҥгем ойыра.
Весе – «Акселеряция субъектов малого и среднего предпринимательства». Ты проект бизенесым нӧлташ полшышо инфраструктурым вияҥдыме да уэмдыме шотышто тӱрлӧ йӧным кучылтмо дене кылдалтын. 2019-2024 ийлан ойыралтше тичмаш окса кугыт – 681,5 млн теҥге.
Кумшо проект почеш социальный предпринимательстве да элгӧргӧ туризм сферыште тыршыше предприниматель-влакын пашаштым вораҥдарен колтымаште, нунын паша условийыштым саемдымаште полыш пуалтеш.
Вес региональный проект-влак предпринимательствын кӱлешлыкше дене палдарат, тыгак фермер-влаклан полышым пуымо да ялозанлык кооперацийым вияҥдыме шотышто полышым пуат.