Правам пӧртылташ полшат

Снимкыште: Николай Шишкин ден Юрий Зайцев. Марий Элым Вуйлатышын пресс-службыжын фотожо.

22 январьыште Марий Элым Вуйлатыше Юрий Зайцев Марий Элысе прокуратурын коллегийжын заседанийыштыже лийын.

Тылеч ончыч Вуйлатыше Российысе Генеральный прокурорын алмаштышыже Николай Шишкин дене вашлийын. Нуно социально-кӱлешан йодыш-влакым каҥашеныт.

Эн ончычак ведомствын 2024 ийысе пашажым иктешленыт, законлыкым шуктымаште да правам аралыме пашам пеҥгыдемдымаште задаче-влакым палемденыт.

Тендан шуктымо пашалан кӧра еҥ-влаклан 22 млн утла теҥге пашадарым тӱлымӧ. Прокурор-шамыч инвалид-влакын реабилитацийлан технический средства шотышто праваштым пӧртылтеныт, илалше-шамычын пенсийыштым уэш шотленыт, пенсий орган-влакын пособийым закондымын кучен кодымыштым рашемденыт. Тылеч посна илыме да коммунальный озанлык сферыште, капитально олмыктымаште, аварийный илыме вер гыч кусарымаште нарушений-влакым мумо, – каласен Марий Элым Вуйлатыше.

Марий Элын прокуроржо Илдус Нафиковын мутшо почеш, 2024 ийыште тергыме шотышто пашам Россий Президентын да РФ-се Генеральный Прокуратурын шындыме задачылаж дене шуктымо. Кодшо ийыште 9200 утла еҥын праважым аралыме да пӧртылтымӧ.

Мучашлан Ю.Зайцев кугыжаныш орган ден прокуратурын пырля тыршымышт регионым вияҥдымаште, тудын социально-экономический потенциалжым кугемдымаште, еҥ-влакын илышыштым саемдымаште да криминогенный обстановкым тазаҥдымаште полша манын ӱшанымашым каласен.

Эльвира Терентьева.