8 декабрьыште Волжск олаште 12-шо пожарно-утарыше частьын спортивный манежыштыже пожарно-утарыше спорт дене Марий Эл Республикын телымсе чемпионатше эртаралтын.
Чемпионат спортын тиде видшылан 85 ий теммылан пӧлеклалтын.
Таҥасымаш годым спортсмен-влаклан тӱрлӧ тергымашым эрташ логалын. Мутлан, штурмовой тошкалтыш дене ныл пачашан учебный башньыш кӱзыман улмаш.
Общекомандный зачётышто Йошкар-Оласе специализироватлыме пожарно-утарыше частьын командыже икымше лийын. Кокымшо верыш Россий МЧС-ын Республикысе управленийжын еҥышт лектыныт. Кумшо вер дене 5-ше пожарно-утарыше отрядын командыже палемдалтын.