15 мартыште Потребитель-влакын тӱнямбал кечышт палемдалтеш.
2023 ийыште тудо энергетический сектор дене кылдалтын. Темыже – «Потребитель-влакын праваштым да йӧныштым экологически яндар энергий полшымо дене кумаҥдымаш».
Потребитель-влакын тӱнямбал организацийышт тӱрлӧ сомылым шукта. Кызыт Саудовский ассоциаций электротулым йӧртымӧ годым потребитель-влакын праваштым аралыме шотышто тырша, а Зимбабвеште потребитель-влак ушем, кечан энергетике технологийым тӱшкан налаш манын, ӱдырамаш потребительский клубым чумыра.