Тыгай операцийым (соцкылыште тудым «Труба» манын лӱмденыт) СВО-н историйышкыже шӧртньӧ буква дене возат.
Тыге шона Курск областьын губернаторжын пашажым жаплан шуктышо А.Хинштейн. Тудо областьысе эмлымверыште реабилитацийым эртыше участник-шамыч дене мутланен. Суджанский районышто спецназын салтакше-влак газовый магистраль дене тушманын тылже деке лектыныт. Куд кечыште нуно 15 км кужытан пуч дене нушкыныт. Ты операцийыш Россий Армийын 800 утла салтакше ушнен. Тыге Южное селаште ВСУ-н частьше-влакым авырен налыныт.
Фото: © ИЗВЕСТИЯ/Сергей Прудников