Кодшо кугарнян ме, журналист-влак, Журналист ушемын Марий Элысе пӧлкажым вуйлатыше Оксана Старикован полшымыж дене (тудо шке турист фирмыжын машинажым ойырен) пошкудо Чуваш Республикыш миен толна.
Эн ончычак Чебоксарыште «Хыпар» («Увер») савыктыш пӧртыш пурышна. Тушто коллегына-влакын пашашт дене палыме лийынна. Пеленна Российын да Марий Эл культурын сулло пашаеҥже, палыме гармоньчо Арсений Яйцов миен. 14 тӱрлӧ элыш коштыктымо гармоньжо дене Чувашийын, Марий Элын да Российын гимныштым шоктен, марла да чувашла куштыктен…
«Кугарня» ден «Ямде лий» газет редакций-влакын директоржо Эдуард Иманаев «Хыпар» савыктыш пӧртым вуйлатыше Татьяна Вашуркиналан марий савыктышла дене пырля марий тӱран арверым пӧлеклыш.
Печать пӧртын кочмыверыштыже кечывал кочкышым ыштен, ме Канаш районышко кудална. Тушто Мокры ял воктене верланыше ожнысо кӱварым ончышна.
ЧЫЛА ТИДЫН НЕРГЕН 20 августышто лекше «Кугарня» газетыште лудаш темлена!
«Хыпар» савыктыш пӧртыштӧ пашам ыштыше фотограф С.Журавлевын фотожо-влак.