Шукерте огыл «Лучший госпиталь ветеранов войн» конкурсым иктешленыт. Тений тудо Кугу Отечественный сарыште сеҥымашлан 80 ий теммылан да Шочмо элым аралышын идалыкшылан пӧлеклалтын.
Конкурсыш 56 госпиталь ушнен. Учреждений-влак шке опытышт, эн сай практикышт, тыгак эмлымаште, диагностикым ыштымаште да илалше черлыеҥ-влаклан реабилитаций ден социальный адаптацийым эртарымаште инновационный йӧным кучылтмо шотышто эн-эн лӱмым сулымо верч таҥасеныт.
Госпиталь-влакын паша направленийыштым шотыш налын, конкурсышто куд номинаций лийын. Йошкар-Оласе сар ветеран-влакын республикысе клинический госпиталь «Самый доброжелательный госпиталь ветеранов войн» номинацийыште ойыртемалтын.
Йошкар-Оласе сар ветеран-влакын республикысе клинический госпитальын сайтше гыч налме фото.