Полышым пуышо рӱдер

Фотом образованиеврн.рф сайт гыч налме.

«Образований» нацпроектын «Социальная активность» федеральный проектше да регионласе волонтёр-влакын пашаштым аклыше «Регион добрых дел» конкурс почеш республикыштына шке кумылын полышым пуымо куд рӱдер пашам ышташ тӱҥалеш.

Нуно Волжск, Козьмодемьянск олалаште, Звенигово, Морко, Медведево да Советский районлаште лийыт. Ты кундемлаште экологий, начар тазалыкан але неле ситуацийыш логалше йоча-влак, тыгак шоҥгыеҥ-шамыч дене волонтёр сомыл сайын шукталтеш. Тыгай рӱдерым почаш федеральный бюджет гыч кум миллион наре теҥге оксам ойырымо.

 

2-шо лаштыклан увер-влакым  (49 (1667) No • 2021 ий 3 декабрь) И.Александрова, Э.Иманаев, Э.Терентьева, А.Яковлева ямдыленыт.