Полышым пуаш!

Марий Элым Вуйлатыше Ю.Зайцев «Справедливая Россия – патриоты – за правду» партийын регионысо пӧлкажлан сусыргышо-влаклан носилкым ургымо проектым шукташ полшаш кӱштен.

Вашлиймаш годым ты пашам кузе ыштыме нерген партийын регионысо пӧлкажым вуйлатыше Н.Глущенко каласкален. Тактический манме носилка – бой годым сусыргышо-влакым писын эвакуироватлымаште кӱлешан арвер. Тудо спецоперацийысе военнослужащий, доброволец да тыглай еҥ-влакын илышыштым утараш полша. Ты сатум шукемдаш кызыт ургымо машинам налман, тыгак тидым ышташ полшышо еҥ-влак кӱлыт.