Полицийын пашаже

17-21 январьыште Студент-влакын кечышт лӱмеш Марий Элыште «Студенческий десант» российысе акций эртаралтын.

Акцийын цельже: полиций паша нерген калык коклаште сай шонымашым шараш да самырык-влак тыгай профессийым налаш кумылаҥышт.

Вич кечыште Марий Эл Республикысе МВД-ын официальный лаштыкыштыже, «Instagram», «ВКонтакте» соцкыллаште, тыгак 12.мвд.рф. интернет-сайтыште тунемше ден студент-влак полицийын пашаже, службышко толмо, Российысе МВД-ын ведомственный вузлаште тунемме, правам пудыртымылан мутым кучымо да моло нерген пален налын кертыныт, таза илыш-йӱлам кучымо нерген каҥашеныт.