Полиций пашаеҥ-влак роддомыш ужатеныт

Марий Эл Республикысе ГИБДД-н пашаеҥже-влак Руслан Петров ден Юрий Михайлов кодшо кечылаште «Йошкар-Ола – Зеленодольск» кугорнышто дежуритленыт. Нунын деке пӧръеҥ лишемын да машинаште пелашыже йочам ышташ тӱҥалме нерген ойлен. Корнышто шуко машина улмылан кӧра йочам ыштыме пӧртыш миен огыт шу манын ойлен. ДПС инспектор-влак вашкеполыш машинам ӱжыктеныт, а шкешт, сиреным чӱктен ты машинам почешышт наҥгаеныт. Олаш пурымаште вашкеполыш машина нуным вашлийын.
Выписке кечын Республикысе перинатал рӱдер ончылно пи
алан ешым госавтоинспекцийын да МВД-н Республикысе мер ушемын еҥышт вашлийыныт. Ешлан йоча креслым пӧлекленыт.

Республикысе МВД-н сайтше гыч фото-влак.