Роспотребнадзорын февральысе данныйже почеш, Российыште коронавирусын у штаммже кумдан шарлен – стратус (XFG).
Тудо COVID-19 инфекцийын у случайже-влак коклаште 99 процентшым авалта. Ты вирус эн ончыч ӱмаште Канадыште икымше гана палдырнен, элышкына кеҥежым «толын». Тудо ОРВИ семынак палдырна. Эмлыше врач-влакын палемдымышт почеш, тиде штамм годым логар корштымо дене йӱк чот вашталтын да южгунам жаплан йомынат кертеш.