Ешыште инвалид йоча уло гын, ача але ава пенсийыш ондакрак лектын кертеш.
Ава шоҥгылык шотышто страховой пенсийым 50 ияш налаш тӱҥалын кертеш, но страховой стажше 15 ий деч шагал огыл лийшаш. Ачалан 55 ияшак пенсийыш лекташ 20 ий деч шагал огыл страховой стажым погыман. Тыгак индивидуальный пенсионный коэффициент ситышаш. 2022 ийыште 23,4 лийшаш.
Ушештарена: айдеме пашам огеш ыште да инвалид йочам онча гын, ты жап страховой стажыш пура. Кажне тичмаш ийлан 1,8 пенсионный коэффициент шотлалтеш.
Марий Элыште инвалид йочам ончышо 5 тӱжем утла ача-ава пенсийыш ончылгоч лектын.