1 апрель гыч Россий Соцфондын Марий Элысе пӧлкаже кугыжаныш пенсийым налше-шамычын пенсийыштым 14,75 процентлан кугемда.
Индексаций кундемыштына илыше 17700 пенсионерым авалта. Тушеч 16600 еҥлан социальный пенсий тӱлалтеш. Социальный пенсий дене пырля тыгак тӱрлӧ выплатым кугемдаш палемдыме. Тушко Кугу Ачамланде сарын участникше, «Жителю блокадного Ленинграда», «Житель осажденного Севастополя», «Житель осажденного Сталинграда» знак дене палемдалтше, призыв почеш военный службым эртыше да нунын ешышт гыч пашам ыштен кертдыме еҥ, космонавт да лётчик-испытатель-влак пурат.
Тылеч посна I группо инвалидностян да 80 ийыш шушо еҥ-влаклан ешартыш оксам тӱлаш палемдыме. Тудын кугытшо ик тылзыште 1377 теҥге лиеш.