Тений «Пеледыш пайрем» у формат дене эртаралтеш.
Республикыштына кеҥеж пагытын эн кугу событийжым – Пеледыш пайремым – пандемийлан кӧра шке жапыштыже этарен кертме огыл, тудым октябрьыш кусарыме. Тудо Марий Эллан да Пеледыш пайремлан 100 ий темме дене кылдалтын.
Тений ты пайрем очный да заочный формо дене лиеш. Ныл площадке онлайн пашам ышташ тӱҥалеш.
«Кудо» конкурсыш 10 минуташ видеороликым войзен колтыман. Тушто марий кочкыш дене унам вашлийме, сийлыме йӱлам ончыктыман.
«Шокталте гармонетым» конкурс тыгак онлайн формат дене лиеш.
Кеч-могай ийготан, кеч-могай аланыште тыршыше ӱдырамаш шке вийжым «Эх, марий вате» конкурсышто терген кертеш. Тидлан мари вургемым чийыман, марий кочкышым да творческий номерым ямдылыман.
Тыгак онлайн йӧн дене «Калык чон» концерт программым ончаш лиеш.
1 октябрьыште Пеледыш пайрем Йошкар-Оласе Чарла Кремльыште эртаралтеш.
Тушто тӱрлӧ мастер-класс, мурен-куштымаш лийыт. Пайрем кас марий дискотеке дене мучашлалтеш.
Иван РЕЧКИНЫН фотожо.
