12 февральыште Йошкар-Оласе 2-шо №-ан школышто Эл деч ӧрдыжтӧ службым эртыше воин-влакым шарныме кече вашеш «Патырлык урок» -влак эртаралтыныт. Икмыняр классылаште тунемше-шамыч Афганистаныште службым эртыше Морко кундемын шочшыжо-влак Владимир Гаврилович Эчейкин, Эрик Демьянович Максимов, Владимир Васильевич Константинов да Медведево кундемын эргыже Виталий Владимирович Афанасьев дене вашлийыныт. Нуно Афганистанын тӱрлӧ кундемыштыже порысым шуктеныт, эмганеныт, но сар пуламыр гыч илыше пӧртылыныт.
Уна-влак сар пагытысе илышышт нерген каласкаленыт. Сар мучашлалтмылан 30 ий наре эртен, но салтак-влакын чоныштышт таче мартеат коржмо пале уло… Элнан патыр эргыже-влак йоча-влакым таза илыш-йӱлам кучаш, сайын тунемаш, икте-весым аклен да ваш келшен илаш, шочмо Элым пагалаш кумылаҥденыт.
Йошкар-Оласе 2-шо №-ан школышто военно-патриотический сынан мероприятий-влак февраль мучко эртаралтыт. Йоча-влак «Зарницыла» модыт, военный муро-влаклан инсценировкым ыштат, сар илыш нерген кином ончат, лудмо книга почеш сӱретым ямдылат, волейбол да мини-футбол дене турнирым эртарат. Кугурак класслаште тунемше-влак изирак-шамычлан военный темылан пӧлеклатше ончер дене палдарат. Чыла мероприятий директорын воспитатлтыме паша шотышто алмаштышыже Татьяна Николаевна Гребневан вуйлатымыж почеш эртаралтеш.
Йошкар-Оласе 2-шо №-ан школышто
тӱҥалтыш класслам туныктышо Л.И.Алексеева.
Авторын фотожо-влак.
