Патриот-влак кӱлыт

Вашлиймаш

 

Кодшо кечылаште Волжск олаште Марий Элым вуйлатыше А.Евстифеев Афганистанысе ветеран-влак ушемын еҥышт дене вашлийын. Тушто патриот-влакым куштымо йодышлам каҥашыме.

Афганец-влак Сеҥымаш паркым сӧрастарыме шотышто полшаш йодыныт. Тыгак ветеран-шамычлан да нунын родо-тукымыштлан, военно-патриотический мероприятийлан оксам ойырымо нергенат ойленыт. Вашлиймашыште увертареныт: тений Волжскышто Сеҥымаш парадыште БТР машина лиеш, тудым ты кечылаште кондышаш улыт.

Снимкыште: А.Евстифеев «100-летие образования Республики Марий Эл» шарнымашан медаль дене Афганистанысе ветеран-влакын Волжск оласе да Волжский районысо ушемым вуйлатыше Ю.Шишкинлан кучыкта.