14-18 февральыште Марий Эл Республикыште «Молодые профессионалы» (WORLDSKILLS RUSSIA) регионысо чемпионат эртаралтын. Тыште ссузлаште паша профессийлан тунемше ӱдыр-рвезе-влак мастарлыкыштым ончыктеныт.
Тыгай чемпионат кундемыштына 2013 ий годсек эртаралтеш. Тунам улыжат ик площадкыште кок тӱрлӧ пашаште 15 ӱдыр-рвезе таҥасен. Лу ий жапыште чемпионат кундемыштына вияҥын, у компетенций-влак ий еда ешаралтыныт да шкем терген ончаш кумылан-влакат шукемыныт.
Тений 12 площадкыште 50 компетенций почеш (тушеч 10-жо у) 360 еҥ таҥаса. Участник-влак Марий Эл гыч веле огыл, тыгак Мордовий Республик, Калуга, Красноярск кундемла гыч улыт. Паша-влакым 400 эксперт акла.
Статьям 18 февральыште лекше номерыште кумдан лудса. Кевыт https://xn--24-6kcl8auuv6i.xn--p1ai/shop/