Йошкар-Оласе историй тоштерыште «По Йошкар-Оле с этюдником» ончер почылтын.
Тудым Россий сӱретче ушемын Марий кундемысе пӧлкаже Российын сӱретче-пленэрист-влакын ассоциацийыштын полшымышт дене ыштыме. Тыге самырык сӱретче-влак пленэр-шамыч гоч пашаштым ончыктен сеҥат. Тӱҥ шотышто тушто Йошкар-Олан сылне верлаж дене палдарат. Кажне пашаште QR-кодым вераҥдыме. Тидыже авторын цифровой галерейыж дене кылым ышташ келыштаралтын. Ончер 30 сентябрь марте шуйна.