Палыме лийына?

МВД-н регионысо управленийжын сайтше гыч налме фото.

Морко районышто «Поро лийже, мый тендан участковыйда улам!» («Здравствуйте, я ваш участковый!») акций эртен.

Акций годым Россий ОМВД-н уполномоченный полиций пашаеҥ, кугурак участковый Сергей Смирнов да ОМВД пеленысе мер ушем председатель Петр Митрофанов калык деке лектын коштыныт.

Пытартыш жапыште еҥ-влак чӱчкыдын   мошенничество да шолыштмо дене ондалалтыт. Тӱрлӧ йыҥгыр пурымо годым кузе лияш да мом ышташ участковый палдарен.