Российысе самырык изобретатель-влак, поснак школышто да вузышто тунемше-шамыч, ӧрыктарыше, но моткоч пайдале ӱзгарым шонен луктыт. Шке изобретенийышт дене тӱрлӧ ончерыште палдарат.
Россий мучко
Чита ола гыч Алексей Долгополов кидлан рончаш лийше «Мидас» фиксаторым ыштен. Тиде фиксатор операций деч варат лулан чын кушкаш да моторикым писынрак пӧртылташ полша. Рвезын ондакысе изобретенийже-влакат кид дене кылдалтше лийыныт: ортез да йӱкшыктарыше браслет.
Тиде ола гычак Анастасия Бессонова ӱдырамаш-влаклан пеҥгыде мицеллярный вӱдым ямдылен. Тудын полшымыж дене шуко жапым пӱртӱсыштӧ эртарыше-влакат моторлыкыштым эскерен кертыт.
Комсомольск-на-Амуре ола гыч Яна Безверхняя ушан аквариумым шонен луктын. Аквариум икмыняр датчик кӱшеш пашам ышта. Датчик-влак тулым эскерат да коллан жапыште кочкаш пуат.
Санкт-Петербургысо кугыжаныш политехнический университетыште инвалид коляске-влаклан оҥай платформым ямдыленыт. Тиде платформо уда корнышто кудалаш йӧным ышта. Тудо кокшӱдӧ кило марте нелытым чыта да шагатыште 10 меҥгым кудал кертеш, зарядкыже ныл шагатлан сита.