Морко районышто илыше 60 ияш ӱдырамашлан ик мессенджерыште палыдыме номер гыч серышым колтеныт. Ӱдырамаш серышым почын да снимкыш темдалын – тыге телефонышкыжо программым вераҥден.
Ты программе полшымо дене мошенник-шамыч телефон озан личный данныйже-влакым пален налын кертыныт. Жап эртымеке гына ӱдырамаш счётшо гыч 8 тӱжем наре тенге йоммым шекланен, палдара Марий Элысе МВД.
Палыдыме але палыме еҥынат номерже гыч колтымо серыш-влакым почмо годым тӱткӧ лийза – аккаунтышт «ирыме» лийын кертеш!