13 январьыште Озаҥ олаште Татарстанысе калык-влакын келшымаш пӧртыштышт Шорыкйол пайрем лийын.
Тушко Озаҥысе марий-влакын национально-культурный автономийыштын еҥышт гына огыл, олаште илыше моло еҥ да Озаҥысе кугыжаныш тӱвыра институтын студентше-влак лийыныт. Автономийым вуйлатыше Л.Мусихина пайрем дене саламлен да тений Татарстаныште 2023 ийым Национальный тӱвыра да йӱла идалык семын увертарыме нерген каласен. Вара Шорыкйолым пайремлыме йӱла дене палдарен. А автономийын чолга еҥже-влак васликува ден васликугызам марий кочкыш дене вашлийме йӱлам модын ончыктеныт. Вара чыланат гармонь да тӱмыр сем почеш мурен-куштеныт.
Любовь Михайлова.
Татарстан.
