Тудо Марий Эл Республикысе Козьмодемьянск олаште верланен.
1925 ийыште Козьмодемьянск олан причалышкыже «Герцен» пароход толын. Тушто «Гудок» газетын корреспондентше Илья Ильф лийын. А 1927 ийыште Илья Ильф ден Евгений Петров «Двенадцать стульев» романым возеныт.
Романысе Васюки олан прототипше – Козьмодемьянск ола, сандене романысе сюжет дене ты ола кылдалтын. Мутлан, Козьмодемьянск ола дене ошкылмо годым пӱкенлан памятникым, шахмат орнамент дене сӧрастарыме пӧртвлакым ужаш лиеш. Тыгак тыште илыше-влак, О.Бендерын костюмжым чиен, турист-влакым куандарат.
А эше тыште Остап Бендер лӱмеш сатир да юмор тоштер уло. Революций деч ончыч тиде пӧрт купеч Павел Фёдорович Бычковын лийын. Тудым 19 курымышто классицизм стиль дене чоҥымо. Вара тудо медицине пашаеҥвлакын пӧртыштлан шотлалтын.
1995 ийыште Козьмодемьянск олаште Бендериаде сатир да юмор пайремым икымше гана эртареныт. Бычков пӧртыштӧ тунам шахмат турнир лийын. Сеансым Москосо гроссмейстер Евгений Васюков эртарен. 1996 ийыште ты пӧртыштӧ Остап Бендерлан пӧлеклалтше тоштерым почыныт.
Тоштерыште ныл зал уло. Тушто роман гыч оҥай, ойыртемалтше сюжет-влакым ончыктымо.
Тылеч посна 1995 ий годсек Козьмодемьянск олаште кажне ийын сатир да юмор фестиваль эртаралтеш. Романыште возымо семын пӱкен аукцион лиеда. Латкокыт гыч иктыштыже бриллиантым шылтат.
