…
ХVI курымышто марий тӧра-влакын властьышт тукым гыч тукымыш куснен. Тугай оным Ахкубек эргыже (Ахкубек Тугаев) алмаштен. 1551 ийыште Иван IV кугыжа Озаҥ воктене Свияга эҥер аҥыште кугу орым чоҥаш шонен пыштен, вет военный действийым тыште ышташ йӧнанрак лийын. У олам вес йӧн дене нӧлташ тӱҥалме, варажым тудым Свияжск манын лӱмдымӧ. 1551 ий шошо марте руш плотник-влак тияк Иван Выродковын вуйлатымыж почеш Углич воктене негыз деч посна олам чоҥен шогалтеныт да, тудым рончен, Юл эҥер дене ӱлыкыла колтеныт. Варажым ныл арня жапыште (1551 ий 24 май гыч 17 июнь марте) ямдылыме материал дене орын пырдыжлажым ыштеныт, августышто моло сооруженийымат чоҥен шуктеныт. Чоҥышо-влак ты пашам чарак деч посна ыштышт манын, чыла могырымат воин-влакын отрядыштым шогалтыме – Курыксер могыр мучко, Юл эҥер вес могырым да Озаҥ йыр…
Историй науко кандидат С.К.Свечниковын материалжым Эльвира Терентьева марлаҥден.
УМБАКЫЖЕ 22 январьысе газетыште («Марий калыкын историйже» лаштыкыште) лудаш темлена.