Онкологий ваштареш – миллиард наре теҥге

Марий Элыште «Здравоохранение» нацпроектын «Борьба с онкологическими заболеваниями» регионысо проектшым 2024 ийыште илышыш пурташ ойырымо оксам тичмашнек кучылтмо.

Регионысо проектлан келшышын, эртарыме мероприятий-влаклан 1 млрд 210 млн наре теҥге ойыралтын ыле. Сутка мучко эмлалтме да кечывал стационарлаште онкологиян черлыеҥ-влаклан пуалме ваштареш терапий годым медполышым пуаш эн шуко окса ойыралтын.

Тылеч посна Республикысе клинический онкодиспансерыыш 5 медоборудованийым налме да эксплуатацийышш колтымо: ультразвуковой аспиратор-деструкторым, тувырашыш келыштарыме 3 хирургический светильникым, универсальный шуко функциян операционный хирургический ӱстелым.