Ондален кертыт

Тений 15 октябрь гыч 14 ноябрь марте Российыште перепись эртаралтеш. Тидын шотышто Марий Эл Республикысе МВД увертара: переписьым тылеч ончыч эрташ темлат гын, палыза – тиде мошенник-влак улыт.

Йодышташ тӱҥалме деч ончыч переписчик удостоверенийжым ончыктышаш. Уремыште але кудывечыште йодыштмашым эртараш ок лий.

Телефон дене йыҥгыртен але СМС-серышым колтен, переписьым эрташ огеш лий.
Переписчик-влак паспорт данныйым огыт йод. Переписьыш ушнымылан оксам тӱлыман огыл, переписчик агитацийым эртарышаш да иктаж сатум але услугым темлышаш огыл. Йодыш лектын гын, 112 номер дене полицийыш йыҥгыртыза.