💳 Шернур районышто илыше 61 ияш ӱдырамаш дек пошкудыжо толын да тудлан пашадарым колтышаш улыт, но картыже блокироватлыме манын палдарен.
Оксам пошкудыжын счётышкыжо колтышт манын, пӧръеҥ туддеч телефонжым йодын. Ӱдырамашын телефонышкыжо банкын приложенийжым вераҥден, кредитный картым оформитлен да оксам шке картышкыже колтен, тыгодым телефон оза воктенак шоген.
Икмыняр жап гыч оксам тӱлаш кӱлмӧ нерген увертарымаш телефонышкыжо толмеке гына ӱдырамаш лӱмжӧ дене кредитный картым оформитлыме нерген пален налын. Эҥгек 183 тӱжем теҥгеш шуын, палдара Марий Элысе МВД.
Осал пашам ыштен кертше 52 ияш пӧръеҥым кученыт, тудо тылеч ончычат судитлыме лийын.