15, 16 и 17 мартыште Марий Элыште илыше-влак «Формирование комфортной городской среды» проект почеш тӱзаташ кумдыкым ойыраш тӱҥалыт да «Марий Эл» выбирает комфорт» викториныш ушнен кертыт.
Ты кечын «ФКГС» проектын волонтёрже-влак кумдыкым тӱзатыме шотышто йӱклымаш пунктлаште еҥ-влакым вашлияш да лекше чыла йодышлан вашмутым муаш полшаш тӱҥалыт.
Ушештарена: 18 ияш деч кугурак кажне еҥ «ФКГС» нерген йодыш-влаклан анкетыште чын вашмутым пуен да пӧлекым модын налын кертеш. Тыште кок «Лада Гранта» автомашина, моторан пуш, ноутбук, телевизор, электросамокат да ушан шагат-шамыч, тыгак 2000 сертификат модалтеш.
Кӱлешан информацийым да анкетым пуаш пункт-влак спискым «Марий Эл выбирает комфорт» ВК-се официальный группышто муаш лиеш.
Кумдыкым тӱзатыме шотышто йӱклымаш пункт-влакын адресыштым https://национальныепроекты.рф/mediaProjects/blagoust.. ссылке почеш пален налын кертыда.
Справке
Россий Президентын инициативыж почеш шукталтше «Жильё и городская среда» калыкле проект «ФКГС» проект почеш 2017 ий гыч илышыш пурталтеш. Ты жапыште Марий Эл Республикыште 742 мер да кудывече территорийым тӱзатыме. Тыгак пӱтынь Российысе конкурсышто ола йырвелым ыштыме шотышто сеҥышыш 6 проект лектын.