1 ноябрьыште Марий Эл Республикысе изосымыктыш тоштерыште «Большое в малом» ончер почылтеш. Тудо скульптор, Марий Эл Республикын сулло сӱретчыже В.М.Карпеевлан 85 ийым темымыжлан пӧлеклалтеш.
Ончерыште изосымыктыш тоштерын собранийже гыч погымо да сӱретчын шке коллекцийже гыч налме 20 утла график да скульптур пашам аклаш лукмо.
В.М.Карпеев Иваново область Гаврило-Посадский районысо Бородино селаште шочын. Москосо кӱшыл художественно-промышленный училищым тунем пытарен. Тудо станок да монумент скульптур дене ыштыше мастер.
Марий Элыште выставочный медальым ыштымылан эҥертыше икымше сӱретче.