Тений 1 апрель гыч пачерыште пӧлемым ушаш але планировкым вашталташ кучемын муниципальный органжын согласованийже деч посна огеш лий.
Тыгак кладовойым ыштыме, кӧргӧ планировкым весемдыме, омсам вес верыш кусарыме годымат тыгай разрешенийым йодман. Тыгодым пачерым кузе вашталтымын технический планжым приложений семын пуыман. Ачалыме деч вара приёмкым ыштыме актым налман да кадастровый инженерлан у техпланым заказатлыман. Варажым тидым Росреестрыш пуыман, а тушто ЕГРН-ыш вашталтышым пуртат. Тыге гына перепланировко закон почеш ыштымылан шотлалтеш. Пырдыжым, кыдежым (эсогыл гипсокартон гыч гынат), шокшемдыше системым, газпучым, вӱдпучым, вентиляцийым вашталташ, ванный олмеш душым да газплита олмеш электроплитам вераҥдаш согласований кӱлеш.