Шукерте огыл Марий Элыште тунемше-влак коклаште Российысе олимпиадын районысо этапше тӱҥалын.
Тылзе жапыште 7-11-ше класслаште тунемше ӱдыр-рвезе-влак 22 предмет дене шинчымашыштым тергат. Икымше олимпиаде астрономий дене лийын. Районысо этап 9 декабрьыште мучашлалтеш. Шуко баллым погышо участник-влак регионысо этапышке куснат. Тудо вес ийын 11 январь гыч 25 февраль марте лиеш.