Удмуртийысе Ныргында ялыште 3 июльышто «Окрашудо» марий пайрем эртаралтын.
Йоча-шамычлан посна программе лийын, кугурак-влаклан концертым ямдылыме улмаш. Спорт модмаш-влак эртеныт.
Пайрем годым ялыште пытартыш жапыште шочшо йоча-шамычын ача-аваштым, ешым погышо-шамычым, спорт еш, депутат-влакым да ойыртемалтше моло еҥ-влакым саламленыт, пӧлекым кучыктеныт. Кастене Марий Эл гыч мийыше артист-влак (Р.Искакова, В.Краснов, С.Пакеев, А.Веткин) концертым ончыктеныт, да этнодискотеке лийын.
Ешартыш уверым 9 июльышто лекше газетнан 28 № -ыште лудса!