Удмуртий Республикысе марий самырык тукымын «Ӱжара» мер ушемже увертара: шукерте огыл одо марий-влак нерген каласкалыше «Марийцы Удмуртии: история, культура, традиции» книга савыкталтын. Тудым грант полшымо дене луктыныт. Книгалан материал-влакым этнограф, историк, марий школлаште туныктышо, тоштерласе да тӱвыра рӱдерласе пашаеҥ-шамыч чумыраш полшеныт.
Книга одо марий-влакын эртыме корнышт, илыш-йӱлашт, мер пашашт, тӱвырашт да фольклорышт дене палдара. Тудо туныктышо да тӱвыра пашаеҥ-влаклан веле огыл, тыгак марий калыкын тӱвыражым да йӱлажым пагалыше кажне еҥлан темлалтеш.
