Советский районысо Э.М.Иванов лӱмеш краеведений тоштерыште «Этно-культурные, лингвистические особенности развития народа мари, проживающего на территории Советского района» конференций эртен.
Мероприятийыш Советский районын депутат погыным вуйлатыше С.М.Халтурин, районысо тӱвыра пӧлкам вуйлатыше Я.А.Ефремов, Марий тӱвыра рӱдерын вуйлатышыже Н.Пушкина толыныт. Конференцийыште докладым В.М.Васильев лӱмеш Йылмым, сылнымутым да историйым шымлыше марий институтын шанчыеҥышт Л.А. Абукаева ден Н.В.Мушкина, верысе мер пашаеҥ ден краевед-влак Л.Е.Васильева, Г.М.Виногоров, Г.И.Мичеев лудыныт.
Погынышо-влак ончыкыжым А.Китиков лӱмеш лудмашым ышташ темленыт.
Вара конференций участник-влаклан Оваснур кундемысе Кундыш эҥер йогымо верыште верланыше «Абаснур – легенды и быль лесного края» у туристический объект дене палдареныт. Уна-влакым тул ӱмбалне шолтымо шӱр дене сийленыт да верысе коллектив-влак ойыртемалтше тӱвыра программым ончыктеныт.