14 мартыште элнан парашют спортын культовый фигуржо – Ната Бабушкинан — шочмыжлан 110 ий темеш.
🔹 Кугарнян, 14 мартыште, 10 шагатлан Йошкар-Олаште парашютисткым шарныме лӱмеш скверыште тудын бюстшо воктеке пеледышым пыштат.
🔹 16 шагатлан Йошкар-Олан историй тоштерыштыже (Вознесенский урем, 39) «Колибри советского парашютизма» вашлиймаш эрта. Герой ӱдыр нерген 20-шо номеран школышто ешартыш шинчымашым пуышо туныктышо Александр Геннадьевич Глушков каласкалаш тӱҥалеш.
8(8362) 42-43-84 номер дене ончылгоч возалтме почеш яра пуртат.