26 май гыч 26 июнь марте Марий Элыште наркотик ваштареш кучедалме да таза илыш-йӱлам кучаш кумылаҥдыме месячник эртаралтеш.
Тудо наркоманий ваштареш профилактике да аяран веществам закондымын ямдылыме да шаркалыме темылан пӧлеклалтын. Месяник годым антинаркотический конкурс, флешмоб, семинар, викторине-влак эртаралтыт, наркотике темылан спектакль-влак ончыкталтыт.
26 майыште, месячникым почмо кечын, М.Шкетан лӱмеш Марий национальный драмтеатр наркотик ваштареш кучедалме «Короткий день» спектакльым ончыктеныт. «Здоровая инициатива» движений волонтёр-влак «Живая лекция» проектышт дене палдареныт. Тиде жапыште еҥ-влаклан памятке, листовко-влакым пуэденыт.