26-27 ноябрьыште ПГТУ-што «Жить! Любить! Верить!» IV антинаркотический форум эртаралтын.
Мероприятийын тӱҥ шонымашыже: наркотик ваштареш кучедалаш шонымашым шочыкташ, таза илыш-йӱлам кучаш да спортлан шӱмаҥдаш. Форумышто тӱрлӧ площадке пашам ыштен. Тушко эмлызе, туныктышо, студент, тунемше, ача-ава-влак ушненыт. Тылеч посна «Альтернатива» интерактивный площадкыште республикысе вуз-влакын шанче лектышышт гыч ончерым чумыреныт. Форумышто «Марий Эл Республикыште муниципальный образований-влак коклаште наркотик ваштареш направленийын эн сай практикыже» конкурсым иктешленыт. Ты мероприятий М.Шкетан лӱмеш Марий драмтеатрын «Короткий день» спектакльже да «Чужие ошибки» документальный фильм дене мучашлалтын.
Самырык-влакын полатыштын VK-се тӱшкаж гыч налме фото.