Республикыштына 15 ноябрь гыч 1 декабрь марте наркотик ваштареш кучедалме «Бей в набат!» акций эртаралтеш.
Акцийыш регионысо кучем, районласе администраций, мер ушем да моло орган-влакат ушнат.
Акций годым элгӧргӧ паша шотышто министерствысе, прокуратурысо, калыкым социально аралыме службысо, мер ушемласе да йӱла шотышто конфессийласе пашаеҥ-влак дене тӱрлӧ онлайн мероприятий лиеш. Вашлиймаш, мутланымаш, лекций-шамыч эпидемий ситуацийым шотыш налын эртаралтыт. Тыгак акций годым наркотик ваштареш кредалме, таза илыш йӱлам чапландарыме шотышто видео, клип, фильм-влакым ончыкташ тӱҥалыт.
24 ноябрьыште 13 шагатлан Волгатехыште «Инновационные подходы к профилактике наркомании» теме дене республикысе 10-шо шанче-практике конференций эртаралтеш. Тушко Zoom платформышто ушнаш лиеш.
Акций 1 декабрьыште СПИД ваштареш кучедалме Тӱнямбал кечылан пӧлеклалтше мероприятий да Самырык-влаклан полатыште эртаралтше вашлиймаш дене мучашлалтеш.